2023年3月21日，毅行教室進行青少年跑步班選拔。當晚一共有30名年青學員成功入選跑步班，逢星期二晚上都會有跑步和體能訓練。
日期：08.11.2025 （星期六） 氣溫：23-28 °C 濕度：78% 訓練點滴｜家長小問答 每個星期六U16青少年越野班都進行多元化訓練。即使大家唔係親身參與，只係睇相，都會感受到當中嘅力量與歡樂！ 我們偶爾都會收到家長的提問，今次就試下用簡單直接的方式，回應兩個常見問題： 1.「話係越野跑，點解唔見成日跑步嘅？」 其實訓練係循序漸進，先學基本功、技術、節奏，再加入跑步元素，例如接力賽、節奏跑等，唔係每次都全程跑，我們會按訓練計劃循序漸進，讓學員在穩固基礎之下自然進步，一齊見證成長。 我們重視基礎訓練，包括核心肌力、平衡感、步伐節奏、上下坡技巧等，這些都係安全跑山的根基。 2.「點解同一日上堂我個小朋友去嘅地方唔同其他人？」 因為我們採用分組分程度的方式進行訓練。每位學員都有唔同起點與節奏，我哋會根據體能、經驗與進度，安排最適合佢哋嘅訓練路線與挑戰。 每季仲有一次內部錦標賽，係隊員表現自己嘅好機會！家長嘅支持好重要，唔止睇到子女進步，仲可以了解訓練內容。我哋教練亦會藉此觀察，調整未來訓練方向，幫助每位學員走得更遠！ 我們非常感謝家長的關心與支持。
雖然星期日有雨，但對操練反而是好事，因為可以降降溫。除了大班操練，KK sir更與幾名精英運動員/青訓學員進行特訓。 練習路線：北潭凹 - 赤徑 - 鹿湖郊遊徑 - 北潭凹 每圈距離：10km 每圈爬升：500m+ *第一圈順走、第二圈逆走、第三圈順走
U16越野班 衝出香港！參與國內越野跑賽事】 齊集廣州！出發「2026貓仔洗面森林趣跑」 「2026 貓仔洗面森林趣跑」喺廣州白雲山正式開跑啦！我哋一班 U16 隊員一早已經精力充沛、準備好晒！ 真心感謝每一位家長嘅信任同支持！今次參賽嘅每一位隊員，都係經過嚴格甄選同評估，得到家長同意同支持下全力出戰。 仲有仲有，一定要大聲多謝隨隊嘅義工教練們！由準備物資、行程安排到現場照顧，有你哋做最強後盾，我哋每次出隊先可以無後顧之憂咁喺賽道上盡情發揮！ 遠赴異地比賽，都唔單止係體能嘅考驗，更係一次團隊成長的經驗。各位隊員，準備好迎戰比賽、展現平時訓練嘅成果未？ 廣州白雲山，我哋嚟啦！