毅行教室慈善基金創辦人陳國強 KK Chan 為香港消防處拍攝一系列行山安全影片。首集「咁就安全郊遊la」已經在YouTube 和 Facebook 上載。
毅行教室｜金齡越野體驗班 · 4月 日期：23.04.2026（星期四） 氣溫：22–29°C 濕度：79% 大家齊集北潭涌起步，挑戰雞公山！ 去到上雞公山果段，真係考耐力，天濕路滑更加刺激。教練即場示範跑步姿勢，令過程安全又有效率，最後大家齊心合力，喺預訂時間內完成全程。 呢類訓練，正好提醒我哋：隨住年齡增長，保持運動習慣可以減低骨質疏鬆、避免肌肉流失，仲令長跑更持久，減少受傷風險。 昨日大家仲擔心天氣會唔會變壞，怕今日未必成行；結果一轉眼，課堂就圓滿完成。雖然大家大汗疊細汗，但都笑住：「期待下一次再見！」
日期：25.04.2026（星期六） 氣溫：20–22°C 濕度：93% 大家最近有冇留意「#港勁298」？呢個挑戰要分段完成香港四大山徑，用計時同打卡方式記錄，既係體能考驗，亦係探索本地嘅好機會！ 今日，V 青少年領袖團聯同特選青訓隊員，正式完成 M2 路段，全長約 9.5km 。由北潭凹出發，途經嶂上營地同雞公山，最後抵達企嶺下。沿途大家「寓練習於參加活動」，實踐咗計劃五大核心方向重點： 精益求精：每一步都力求進步，調整步伐、檢視狀態，追求更好表現。 安全意識：互相提醒步伐與呼吸，靈活應用急救知識，保持警覺。 回饋社會：以行動支持活動，將毅力同精神延伸到社區。 認識香港：走過嶂上營地同雞公山，感受自然景色，體驗本地文化與地理。 建立連結：互相支持、鼓勵、提醒，團隊精神令挑戰更有力量。 呢一次練習後，大家都笑住預告：「今日呢段短，下次一定長好多！」
因應疫情，面對面的授課未必能夠如常開展。我們製作了一系列的影像教學片段，大家可以在放假行山時多加練習！祝大家長跑長有，身體健康，萬里無傷。訂閱我們 YouTube Channel 收看更多行山有趣資訊。